گبر أم الحسن وينه

يـا زهــراء

گبر أم الحسن وينه
.. عليها من يدلينه
ندري الضلع مكسور .. و ننشد وسط لگبور
عليها من يدلينه
**
گبر أم الحسن لو تسأل العقال
عنه بيا كتر ذاك الگبر ينگال
يگولون اختفى وسفة وسط لرمال
وغيابة يفضح أعمال البغي الحيال

الجواب الظاهر الواضح
سنين اعلى الگلب جارح
ظلموها أهل الجور .. وننشد وسط الكبور
**

لوان تقرى كتاب الماضي و تفهمه
تعلم شالسده وشصار عل أمه
من سموا نبي الأخلاق و الرحمه
ظلت عل بتول آلاام ملتمه

تگرى والدمع سچاب
شلي فعلته الأصحاب
و دم الي غار ايفور .. و ننشد وسط لگبور
**


اذا يندل گبرها اگصد اترابة
عليه اسجد و شمه بدمعة سچابة
بالدمعة كسرها نخفف صوابة
بس گبر الجنان مطول اغيابه

كبرها في الخفى موجود
متى نعرفه والينا يعود
نحجه بلهفه و نزور.. و ننشد وسط لكبور
**

فاطم زهرة الهادي النبي و عطرة
فاطم سر حياة العالم ابأسرة
عجيبة علىالتراب تنام و الغبرة
عجيبة شلون حالة حيدر و صبره

دفنها و مادفن حزنه
و أبد ما فراق الونة
و ظهره صفى مكسور .. و ننشد وسط لگبور

**
أريد أنشد إمامي الغايب الحاضر
يمتى تطفي نار اگليبك الشاجر
لمتى نگول باچر سيدي باچر
تجي و تصلب لمام الغاصب وفاجر

نكحل باچر النظرة
و تبرد شعلة الجمرة
يصفى العالم مسرور .. و ننشد وسط لگبور

**

يا رب الزمان و كاشف الكربة
تعب گبر البتول بعيشة الغربة
انخاك و أنا ويالذنب صحبة
أطلبك سيدي ولب لجلي هالطلبة

عبد تقبلني للـخــدمـة
رخص لك يالأبي دمة
عبدك أنا المأمور .. و ننشد وسط لگبور