يزينب أحزام الظهر.. انگطع و ظهري انكسر
يزينب ذبحوه الگمر
أجاني بدمعته لتهمل .. على متونه الحزن يحمل
يسير منكس ابراسه .. يسير و لأسود الباسة
دخل خيمة أبوفاضل .. و عامود الخيم نازل
و حسين تنحب انفاسه..وگع بالحومة عباسة
ياريته ما طل هالشهر
وما خبرني ابهاي الخبر
يزينب ذبحوه الگمر
**
طبت زينب الخيمة .. العين اصبحت غيمة
يخوية شحگة تتلوع .. خبر منك اريد اسمع
يگلها يختي رحميني .. يحرة بحزني خليني
حياتي عگبة ماتنفع .. ودها هالنفس تطلع
راح الحبيب لمن الزغر
راح الچفلنب بهالسفر
يازينب ذبحوه الگمر
**
يحسين أوصف المچتل .. لبطل و المصرعه ينزل
صدمة تمزق أمالي .. راح اليرعي اطفالي
وعدني يرجع وجسمة .. سليم و ما يخر دمه
عجيبة الحيدر الغالي .. يروح ويترني لحالي
يحسين أخاف من هالدهر
طبعه تعود عالغدر
يزينب ذبحوه الگمر
**
يگلها گطعوا اجفوفة .. گمر و مشوهة اخسوفة
سهم داخل على عيونة .. و سيفه خابت اظنونه
وشوف يم جسمه لموذر ..أمي فاطمة تظهر
تگُلب اچفوفة و تشمه .. تخضب الشعر من دمه
تشمت يبالفضل البشر
هذا الذي صدري سطر
يزينب ذبحوه الگمر
**
طلعتها مثل لسموم .. تهب چنها تهب لدوم
تريد اتعاين احوالة .. و تدري الحالة چتاله
يالماتخلف اعهودك .. دنهض و حضر ابجودك
يگلها مگدر اشيلة .. و سهمه هدم ابحيلة
غيمة حزن همها المطر
يصرخ رعدها و الكدر
يزينب ذبحوه الگمر
