گبة جدك العده هدموها .. و مثل الغرقد سامرى ظلموها
**
سامرى چانت الينظرها يسر .. حيث انحفر فيها للهادي گبر
ولعسكري بنوره چانت تزدهر .. لاچن بيد اهل النصب سلموها
**
سلموها بيد الي تدعي السلام .. دگوم يبن الحسن و تنور الظلام
تاهت الشيعة بين جموع الزحام .. وركان الهدى بظلم هدموها
**
هدموها لمنارة لي جانت تصيح .. بسم الهادي جدك بولگلب السميح
مو منارة هذي دنية من تطيح .. لو شريفة بالحجر رجموها
**
رجموها و ماگالوا مرقد اثري .. لو ناشدت عن هافعل البربري
گلنا اندفن يمها واحد جعفري .. ولا زم بقعة طاهرة يهجموها
**
سيدي اصل الكفر واضح جلي .. هذول احفاد الزمان الأولي
ولن هذا علي ابن حيدر علي .. و جوهر دينهم العترة يظلموها
**
و هذا ردي للذي عنهم سأل .. شنهو لغرض من فعل هاي العمل
گلة مايضد علي غير النغل .. و لاتگول أمهم هند شتموها
